اساسيات الربح من الانترنت

هل فكرت في يوم من الايام انك تكسب فلوس من على النت

الاجابة : لا ..

و لم لا هل تعلم ان الانترنت يمكنك من خلاله فعل كل شئ
بيع - شراء .. التعليم - الترفيه
و العمل ايضا

الاجابة : نعم

هل تعلم الطريقة


تعالى معايا هنا واحدة واحدة اعلمك الربح من الانترنت


المدونة دي متخصصة في تعليم الربح من الانترنت بكل الطرق الممكنة
مش هتندم لو اخدت شوية وقت للقراءة عبر المدونة باذن الله


احب اقسم الربح من الانترنت الى الاقسام دي
1- الربح من المواقع و المدونات .. و ده لو عندك موقع او منتدى او مدونة فقط ..
2- الربح من المواقع و المدونات بدون امتلاك موقع
3- الشركات الربحية المختلفة .. PTC , PTR ,
4- التجارة الالكترونية .. البيع و الشراء اونلاين
5- التسويق الالكتروني
6- استخدام مهاراتك اونلاين .. كتابة - برمجة - تصميم و حتى اللعب




سؤال تاني : هل الربح من الانترنت حرام و لا حلال
الاجابة لكل حلاله و حرمانيته و ده اكيد هننبه عليه في كل مقالة هنكتبها باذن الله
و هنحذر من الاسباب الي بتجعل اي جزء منهم حرام


السؤال الثالث : هل الربح من الانترنت سهل ام صعب
و الله الموضوع نسبي .. في ناس مشيت فيه و بقمة السهولة جنت الالاف و الملايين
و في ناس مشيت فيه و لقته صعب جدااااااااا.. ده على حسب اهتماماتك و كمان على حسب التوفيق

طيب ترشحلي انهي مجال :

و الله انا وظيفتي هنا اوضحلك كل حاجة و انت تختار الي يعجبك بقى


ما المدة الي ممكن اوصل فيها لمبلغ محترم :
في بعض الطرق بطيئة لكن مضمونة
و الاخر سريع لكنه مش مضمون 



ما مقدار المبلغ المحترم الي بتتكلم عليه ده:
يعني ممكن نبتدي كده نتكلم مثلا على 10 الاف دولار مثلا كده يبقى مبلغ محترم

طيب ايه حدود الربح من الانترنت :

و الله بجد مش هتصدق لو قولتلك الارقام الفلكية الي بعض الناس وصلوا ليها
ممكن تتكلم عن الملايين و المليارات بقلب جامد
على سبيل المثال .. في واحد كسب من اعلانات جوجل ادسنس في شهر واحد اكتر من مليون جنيه
في ناس كانت بتحصل على راتب شهري ما يعادل 10 الاف دولار من الشركات الربحية
في ناس كسبت ملايين من التسويق الالكتروني
في ناس كسبت مليارات من تجارة العملات " الفوركس"


لا تستهين بالموضوع الموضوع مجدي جدا .. بس لو ركزت كويس
و اخترت المجال المظبوط و توكلت على الله و ربنا ان شاء الله هيرزقك

هل يمكن ان استغني بالربح من الانترنت عن العمل :

دي نقطة لازم اتكلم فيها انت ممكن تكسب ملايين من الانترنت لكن عمره ما هيغنيك عن الشغل
لان دي حاجة و دي حاجة .. لازم يكون ليك انتاج في دولتك و لازم تنفع دينك
و لو انت فعلا نجحت ممكن تتخذ عمل استثمار فلوسك في الحقيقة

نصيحة اخيرة ..

من فضلك ان تعلمت شئ جميل فحاول ان تعلمه للاخرين
فكثيرا منا من العرب يشتكي عدم التعاون و ان الي يعرف طريقة للربح مبيقولش لغيره
علشان يحتكر المكسب .. و النتيجة اننا متاخرين جدا في المجال ده .. و في فقر رهيب في مجالات الربح العربية


اتمنى ان المواضيع البسيطة الي هقدمها .. و الطرق المختلفة تساعدكم باذن الله
و شكرا لصبركم لقراءة المقال